د اندراګاندي روغتون په تالار کې ددي روغتون روغتیایې کارکونکو ته د روغتیا، ټولنې او چاپیریال ساتنې باندې د بیولوژیکي وړانګو اغیزي په اړه زده کړیز پروګرام وړاندي شوو
د افغانستان د اټومي انرژي عالي کمیسیون د پلان سره سم د روان کال د سرطان میاشتي په ۱۱ د سه شنبي په ورځ یوه ورځنی زده کړیز پروګرام د اندراګاندي روغتون په تالار کې وړاندي کړ، دا پروګرام په طب کې د هستوي تکنالوژۍ تطبیق متخصص ښآغلي سبحان الله شاکر له خوا وړاندي شو.
د دیترمنستیک وړانګو تصادفی اغیزي، د عامو خلکو لپاره د وړانګو نرمال دوز اندازه (چې د یو ملې سیورټ څخه زیاته نه وي) او د هغه کارکونکو لپاره چې له وړانګو سره سرو کار لري معلومات ارایه کړ.
ښاغلی ډاکتر شاکر وایي، مونږ په داسي یو چاپیریال کې ژوند کوو چې هیڅ ډول د وړانګو یا Radiation څځه په امان کې نه یو، حتی د غذایي موادو لکه کیله چې د پوتاشیم ۴۰ لرونکې ده او همداسي په صنعتي موادو کې دا ټول هغه څه دي چې د انسان ژوند له خطر سره مخ کوي.
د یادولو وړ ده ددي زده کړیز پروګرام په دوام کې د متخصصینو سوالونو ته ځوابونه ورکړل شول او د دي روغتون کارکونکو ته چې د طبي توکو سره سروکار لري لکه اکسري، سي تي اسکن او د انجیوګرافي پروسیجرونو په برخه کې معلومات ورکړل شوو او ټولو هغو کسانو ته چې د دولت په چوکاټ کې د خدمت په حال کې دي د دوزیمترونو د توزیع وعده ورکړل شوه.
یاد پروګرام د اندراګاندي روغتون د انګولوژي څانګې د مسولینو لخوا په قدردانۍ او په راتونکې کې د ورته همکاریو په غوښتنه پای ته ورسیدل.
