مالیزیا هیواد ته د ښاغلي ډاکټر طاهر شاران او قدم علي سلطاني د سفر راپور
د ۱۳۹۸ کال د لړم له ۱۱- ۱۵ پوري د هستوي انرژۍ عمومي رئیس ډاکټر طاهر شاران او د هستوي تطبیق ټنکالوژۍ رئیس قدم علي سلطاني د نړیوال اټومي انرژۍ اژانس (IAEA) په مرسته د مالیزیا هیواد د عامې روغتیا وزارت په چوکاټ کې جوړه شوي وه ګډون وکړ.
دا علمي ناسته چې د نړیوال اټومي انرژۍ اژانس په مرسته د (Governmental and Regulatory Infrastructure for Radiation Safety) تر عنوان لاندي جوړه شوي وه، په دي نساته کې د مالیزیا هیواد د لوړو زده کړو وزارت، هستوي انرژۍ اژانس او د اټومي انرژۍ د جواز ورکونې عمومي ریاست مسئولینو او لوړپوړو چارواکو هر یو: ډاکټر محمد عبدالوهاب د هستوي انرژۍ اژانس عمومي رئیس، ډاکټر نور اشمیرا د عامي روغتیا وزارت د هستوي طب عمومي ریاست معاون، ډاکټر همرا د اټومي انرژۍ د جواز ورکونې عمومي رئیس، ډاکټر محمد پائیزي د هستوي چارو اجرائیوي ریس، اغلې ډاکټر سارین د پروګرامونو همانګ کونکې او د مالیزیا د هستوي انرژۍ اژانس یو تعداد تخنیکي او لابراتواري کارکونکو ګډون درلود.
په دي ناسته کې د دواړو لوریو چارواکو د مالیزیا هیواد د هستوي انرژۍ سازمان، عامي روغتیا وزارت او د اټومي انرژۍ د جواز وکونې بورډ عمومي ریاست او د افغانستان د هستوي انرژۍ اداري د علمي – تخنیکي همکاریو په برخه کې د ځان ساتنې، د راډیواکټیف موادو او منابع مصئونیت او امنیت، د نړیوال اټومي انرژۍ اژانس له سټنډردونو سره په مطابقت د زیربنایې مقررو ضرورتونه، د ساتنې د مقررو جوړول او تطبیق کول، د هستوي موادو او وړانګو منابع مصئونیت او امنیت، د ایونایزونکو دستګاوو او وړانګو منابع حفاظتي او امنیتي پالیسیو جوړول، په صنعت او کرنه کې په مناسبه توګه د هستوي تجهیزاتو او وړانګو د کارونې لپاره د طرزالعمل او تګلارو جوړل او طبیق کول، د قوانینو تطبیق، د نړیوال اټومي انرژۍ اژانس د مقررو او اسټنډردونه په اساس د راډیو اکټیف موادو د حمل نقل، د هغوۍ نظارت او کنټرول، د نړیوال اټومي انرژۍ اژانس د مرستو څرنګوالی، د هستوي صنعت په برخه کې د غوښتنې د مرحلو ترسره کولو څرنګوالی، هستوي کرنه، هستوي طب، د غاښونو او وترنرۍ راډیوتراپي او راډیولوژي، په هستوي فعالیتونو کې د قانونې تختیو د پروسیجرونو د تعقیبولو څرنګوالی، له قانون سره سم د اجرااتو تر سره کول او هستوي مقررو او ټګلارو باندي دوه اړخیزي خبرې تر سره شوي.
د ناستي په پای کې د دواړو لوریو چارواکې دي پایلې ته ورسیدل چې د مالیزیا هیواد د هستوي انرژۍ اژانس او عامي روغتیا وزارت به د تخنیکي پروژو (TC Project) او د نړیوال اټومي انرژۍ اژانس به د افغانستان د هستوي انرژۍ له اداري سره به د لابراتواري توکو او تجهیزاتو کالیبریشن، د هستوي انرژۍ اداري تخصصي کارکونکو ته تخصصي او مسلکي زدکړو ورکول، د فیلوشیبونو په نظر کې نیول، ددي اداري کارکونکو ته زده کړیز پروګرامونو، ورکشاپونو او سیمینارونو جوړل، افغانستان ته د په ورته برخو کې د متخصصینو او کارپوهانو رالیږل د تخصصي او مسلکي مرستو په موخه، د ماسټرۍ او دوکتورا په برخه کې د بورسیو ورکول، په افغانستان کې د راډیواکټیف موادو منابع مصئونیت او امنیت په برخه کې د علمي – تخنیکې مرستې تر سره کوي.
د یادولو وړ ده چې ددي خبرو تر څنګ د افغانستان له خوا هیئت د مالیزیا هیواد د هستوي انرژۍ اژانس له لابراتوارونو او عامي روغتیا وزارت څخه هم لیدنه وکړه.
