په هستوي انرژۍ اداره کې د مسلکي طرزسلوک او د اسلام له نظره د کورنۍ حقوق سیمینار وړاندي شو
د "مسلکي طرز سلوک او د اسلام له نظره د کورنۍ حقوق" تر عنوان لاندي یو ورځنی روزنیز پروګرام چې د ۱۳۹۹ کال د میزان په ۱۴ د هستوي انرژۍ اداري په تالار کې د جندر امریت لخوا د ښځو چارو وزارت په مرسته جوړ شوی وو د هستوي انرژۍ اداري د معاون ښاغلي زاهدالله زاهد په وړاندي د دي اداري کارکونکو ته سیمینار وړاندي شو.
د یادي پروګرام په پیل کې د هستوي انرژۍ اداري معاون ښاغلي زاهدالله زاهد خبري وکړي او ورته روزنیز پرګرامونه جوړول یې اړین او له جوړولو څخه یې مننه وکړه. همدارنګه په کاري چاپیریال کې د مسلکي طرزسلوک، یو بل سره مرسته او احترام او په کاري چاپیریال کې د حقوقو مراعتولو په اړه لنډي خبري وکړي.
په کاري چاپیریال کې د مسلکي طرز سلوک پرزنټیشن د هستوي انرژۍ اداري د جندر امره اغلې عزیزه بزګر لخوا او همدارنګه د اسلام له نظره د کورنۍ حقوق پریزنټیشن د ښځو چارو وزارت نماینده اغلې شکريه له خوا ګډونوالو ته وړاندي شو.
اغلې بزګر زیاته کړه د کاري چاپیریال له اړینو برخو څخه یو هم مسلکي طرزسلوک دی چې د یوې اداري کارکونکي د سلوکو په مراعتولو سره خپل کارونه په ښه توګه تر سره کولای شي. اغلې زیاته کړه د ملکي خدمتونو کارکونکو نیک طرزسلوک له دولتي ادارو څخه د خلکو د حمایت یو له مهمو عناصرو څخه ګڼل کیږي چې همداراز د طرزسلوک په مراعاتولو سره کارکونکو ته کاري فضا لا ښه کیدلای شي.
