د هرات ولایت د اسلام قلعه ګمرک له اسکنرونو څخه نظارت
د هستوي انرژۍ ادارې د کاري لومړیتوبونو څخه یو هم په هیواد کې د هوایې ډګرنو او سرحدې بندرونو له امنیتي سکنرونو لیدنه، ثبت، نظارت، او څیړنه ده. د هستوي انرژۍ قانون، مقررې او له وړانګو څخه د ساتنې له سټنډرډونو سره سم باید خلک او چاپیریال د راډیواکټیف منابعو، ایونایزونکو وړانګو او ایونایزونکو ماشینونو په وړاندي مصئون وي. د خلکو او چاپیریال ساتنه او مصئونیت او همداراز د نا قانونه راډیواکټیف منابعو، توکو او ایونایزونکو تجهیزاتو قاچاق په موخه د هیواد سوداګریزو بندرونه په مجهز امنیتي سکنرونو سمبال شي. د هوایې ډګرونو او سوداګریزو بندرونو مجهز کیدل په اسکنرونو سره کولای شي، چې په هیواد کې د هر ډول نا قانونه راډیواکټیف موادو، منابعو، تجهیزات او ایونایزونکو توکو له صادراتو او وارداتو څخه مخنیوی وکړي. ددي سیسټم په پلي کولو سره به د هیواد په ګمرکونو کې روڼتیا رامنځ ته شي او د نا قانونه کړنو مخه به ونیول شي ددي سیسټم پلي کول به د امینت او مصونیت په برخه کې هم ښه پایله ولري.
د جنوب لویدیځ زون د هستوي انرژۍ امریت په دي برخه کې له دخیلو ادارو او سرحدي مسوولینو سره د ۱۳۹۸/۰۳/۲۱ د اسلام قلعه بندر له امنیتي بندرونو څخه له نږدي لیدنه وکړه. د جنوب لویدیځ زون د هستوي انرژۍ ادارې امره اغلې الهه طاهري او ددي امریت کارپوهانو د اسلام قلعه ګمرک د امنیتي سکنرونو د نظارت او څیړنې تر څنګ یاد ګمرک مسولینو او تخنیکې کارکونکو ته د ایونایزونکو موادو ،منابع د خطرونو، د راډیواکټیف موادو قاچاق او همدارنګه د ایونایزونکو وړانګو په وړاندي د ساتنې او مصونیت اصولو په برخه کې هر اړخیز معلومات وړاندي کړل.
په پای کې د اسلام قلعه بندر ګمرک رئیس ښاغلي حمدالله همدرد د جنوب لودیځ زون هستوي انرژۍ امریت له همکارۍ مننه وکړه او وعده یې وکړه چې د سلام قلعه بندر د چارو د رونټیا او امنیت په برخه کې هر ډول مرستې ته تیار دي.
