د ختيځ زون هستوي انرژۍ امريت مسؤلينو د لغمان ولایت له والي سره لیدنه تر سره کړه
د ختيخ زون هستوي انرژۍ اداري کارکونکو له خپل کاري پلان سره سم د لغمان له والي رحمت الله یارمل سره ولیدل او په لغمان ولایت کې یې د هستوي انرژۍ اداري د فعالیتونو په اړه خبري وکړي.
په دي لیدنه کې د ختیځ زون د هستوي انرژۍ اداري امر ښاغلي زاهدالله زاهد د هستوي انرژۍ اداري په اړه معلومات وړاندي کړل او زیاته یې کړه چې یاده اداره ټول هغه ایونایزونکې فعالیتونه چې په ختیځ زون کې ترسره کیږي د څار او کنټرول مسئولیت په غاړه لري.
ښاغلي زاهدالله زاهد زیاته کړه په یاد زون کې د ناقانونه راډیواکټیف توکو د انتقال مخنیوی، د کانونو استخراج، بي سرپرسته راډیواکټیف توکي او منابعو څار او کنټرول او له مضره وړاندګو څخه د مخنیوي په برخه کې کار کوي.
ښاغلي زاهد وویل: دوی غواړي ټولو هغو ادارو او روغتونونو کارکونکو ته څو ورځنې روزنیز پروګرامونه جوړ کړي او همداراز د ټولو روغتونونو هغه دستګاوي چې ایونایزونکي وړانګي خپروي سروي کړي.
په پای کې د لغمان والي رحمت الله يارمل د ځتيخ زون د هستوي انرژۍ امريت له هڅو مننه وکړه او په چارو کې یې ورته د هر اړخېزې مرستې ډاډ ورکړ.
