د اټومي انرژي عالي کمیسیون په اداره کې د راډیواکټیف موادو آلودګي او تغذي علمي سیمینار
د ۱۳۹۷/۰۹/۰۷ تاریخ د راډیواکټیف موادو آلودګي او تغذي علمي سیمینار د افغانستان د آټومي انرژي عالي کمیسیون په اداره کې د کابل پوهنتون د کرهڼي پوهنځي د استاد محترم پوهنمل ډاکتر محمد داود حیدري لخوا تر سره شو.
ډاکتر محمد داود حیدري د USAID بورسیو په مرسته د هند په بنګور کې د کرهنيزو علومو UIS په پوهنتون کې د ماسټري سند تر لاسه کړي. او په ۲۰۱۴ کې د جایکا موسسي په مرسته د تحصیل د دوام لپاره د جاپان هیواد ته لاړ او د چاپیریالي ستونزو په برخه کې یې د راډیواکټیف موادو ککړتیا او تغذي په اړه تحقیق تر سره کړ چې پوهنمل ډاکتر حیدري د فوکوشیما په پیښه کې د راډیواکټیف موادو د اثراتو بررسي په خاوره او بوټو کې د خپلي د دوکتورا تیزیس وړاندي کړ او د دوکتورا سند یې د توکیو پوهنتون څخه لاسته راوړ.
ډاکتر محمد داود حیدري له یولسو کلونو را په دي خوا د کابل پوهنتون اکاډومیک غړی ده، او په افغانستان کې د ابو لګونې او خاوره پیژندنه کې تدریس کوي. هغه تر دي دمه تر ۴ ډیري علمي مقالي په نړیوال ژورنال کې لري او څو نوري علمي مقالي یې چې مشخصآ په افغانستان کې د راډیواکتیف موادو د بررسي په اړه دي تر کار لاندي دي.
