د پروان ولایت د روغتیایې مرکزونو د اکسري ماشینونو ثبت او راجسټر
د بامیان زون د هستوي انرژۍ ادارې امریت په کال ۱۳۹۸ هـ ل کې د انسانانو په روزمره ژوند کې د هستوي موادو سولیزې کارونې، د ایونایزونکو وړانګو د ماشینونو ثبت، له مضره وړانګو څخه د خلکو او ټکنیشن کارانو ساتنه، ایونایزونګو ماشینونو ته د جواز ورکول، د راډیواکټیف موادو له قاچاق څخه مخنیوی، د راډیواکټیف پاته شنو خښول او د نوموړو ماشینونو د ساتن ځایونو اسټنډرډولو په برخه کې په رسمي توګه په کار پیل وکړ.
د بامیانو زون امریت له خپل کاري پلان سره سم دا ځل د پروان ولایت په ۱۲ روغتیایې مرکزونو کې له ۱۳ پایې اکسري ماشینونه څخه لیدنه، ثبت او راجستر کړل. دا امریت به د زون په سطحه د ۱۴۰۰ هـ ل کال په څلورو ولایتونو کې (بامیان، پروان، میدان وردک او دایکندي) خپل کارونه پیل کړي دي.
د یاد زون کارکونکو دا ځل پروان ولایت ته سفر کړی وو او د پروان له والي ښاغلي فضل الدین عیار او دیارلسو دولتي ادارو له مسئولینو سره لیدنه وکړه. د پروان والي او دولتي ادارو مسئولینو د ښه راغلاست تر څنګ ددي ادارې ایجادول وستایل او د هر ډول همګارۍ ژمنه یې وکړه.
د بامیان د هستوي انرژۍ امریت په یاد سفر کې په ۱۲ روغتونونو کې ۱۳ پایې د اکسري ماشینونه ثبت او راجستر کړل او ټکنیشن کارانو ته د X وړانګو په اړه او همداراز د ماشینونو د نصب خونو او دروازو کې د دوز مقدار اندازې چک په اړه معلومات او عامه پوهاوی ورکړل.
